شاهنواز خان فيروزجنگ (خطاب): جڏهن تيمور شاهه ٽيهه هزار افغاني سپاهي موڪلي سنڌ تي قبضو ڪرڻ ٿي چاهيو، ته ان وقت مير خان ٽالپر'>بجار خان ٽالپر ارڙهن هزار سنڌين جي مدد سان افغانن کي شڪست ڏني، اهو ٻڌي افغاني بادشاهه تيمور شاهه کي تمام گھڻي ڪاوڙ لڳي ۽ لشڪر ساڻ ڪري سنڌ تي ڪاهي آيو. پر مير بجار خان روهڙيءَ پهچي تيمور شاهه جي اچڻ کان پهريان ٻيڙين جي پل تيار ڪرائي ڇڏي ۽ تيمور شاهه جي پهچڻ شرط وڃي وٽس حاضر ٿيو ۽ جنگ کي ٽاري ڇڏيائين. تيمور شاهه، مير خان ٽالپر'>بجار خان ٽالپر مان گھڻو مطمئن ٿيو ۽ بروقت ميان عبدالنبيءَ جي نالي سنڌ جي حڪومت جو فرمان جاري ڪري، ميان عبدالنبيءَ کي ‘شاهنواز خان فيروز جنگ’ جي خطاب سان نوازيائين. ڪن تاريخدانن ڄاڻايو آهي ته تيمور شاهه سنڌ مان وڃڻ وقت ميان عبدالنبيءَ کي ‘معتمد الدوله شاهنواز خان فيروز جنگ’ جو خطاب ۽ خلعت عطا ڪئي. اهو واقعو 1194هه/1780ع جو آهي.